Esperantista Stando de San Ĵose dos Kampos
Brazila Esperantisto - Aprilo/2001 - E-entrepenado - Imitinda Ekzemplo

La esperanto-grupoj de la urbo São José dos Campos organizas ĉiusabate, de la 9-a matene ĝis la 1-a posttagmeze, disvendadon de esperantaĵoj, kiel libroj diversaj, endiskedaj e-kursoj, elementa gramatikkajero, kaj la kodiskoj de Merlin kaj la proinfana Ni dancu en la rondo... ka eĉ la revuo Brazila Esperantisto.
Tamen, la ĉefa aktiveco de la tieaj esperantistoj estas la disdonado de faldfolioj pri Esperanto, klarigado de la ĉefaj aspektoj de nia lingvo, babilado de la lokaj esperantistoj kaj la perkomputila prezentado de la furoranta kurso de Esperanto de Carlos Pereira kaj de la elektronika vortaro ALLS, kiuj estas senpage disdonataj.
Laŭ Marcos Pimenta, la ĉefamotoro de la iniciato, oni rikoltas bonajn rezultojn el tiu semado, kiu estas por ĉiuj e-grupoj ja imitinda ekzemplo. Oni enspezas iom da mono, tiel helpante la kulturajn produktantojn el Esperantio, kaj samtempe oni konstante flegas la diskonigadon de Esperanto.
Ĉu ni povas revi pri la engaĝiĝo de la ceteraj organizaĵoj en Brazilo?
Nu, oni povas informiĝi pli funde pri la laboro de nia samideanaro el SJC ĉe http://esperantosjc.vila.bol.com.br/

Fotoj

Silvio - Instruisto	Libroj	Ĉemizetoj	Georgo	Stando
Komputilo	Markos	Programo pri Esperanto	Programo pri Esperanto	Kurso de Esperanto
Ĉemizetoj	Ekipaĵoj	Libroj